Harpasuak (eu)
| Haspasuak | |
|---|---|
 | |
| Egilea | Kontrargi Argazki-Kolektiboa |
| Hizkuntza | Euskaraz eta gazteleraz |
| Urtea | 2014 |
| Argitaletxea | Soraluzeko Udala |
| Hiria | Soraluze |
Izenburu osoa[aldatu]
Harpasuak. Eli Lakuesta Gorosabel
Liburua zertan den[aldatu]
Liburua Eli Lakuesta Gorosabel (1929-2000) argazkilariaren ondarearen erakusgarria da.
Eli Lakuesta argazkilaria izan zen ofizioz, aurretik Soraluzen eta Eibarren gero. Baina, honetaz gain, bere kasa eskualde guztiko eginkizun guztien argazkiak jasotzen zituen, eta Eibarko Calbetón kaleko bere dendaren paretan (Facebook-en Wall antzekoa) erakusten zituen.
Eli Lakuestaren ondarea familiak gorde izan du: 60.000tik gorako negatibo. Honi esker, eta familiarekin bat eginda, Kontrargi Argazki-Kolektiboak ondare hau jasotzeari ekin zion: azken urteetan, plakak eta negatiboak jaso, garbitu, eskaneatu, txukundu, antolatu… milaka eta milaka argazki zaharberritu ditu.
Argazki hauekin, liburuaz gain, Kontrargik hiru erakustaldi ere antolatu ditu. Liburuak 113 argazki jasotzen ditu (denak zuri-beltzean), gehienak Soraluzen hartutakoak, baina Eibarkoak edota Bergarakoak ere badaude. Argazkiak halaxe daude antolatuta:* Herriko paisaia
- Gertakizun zibilak
- Baserrikoak
- Enkarguak
- Jaiak
- Eskola
- Umeak
- Despedidak
- Industria
- Antzerkia
- Dantzariak
- Musikariak
- Kirolak
- Herritik kanpo
Irudiak[aldatu]
Handitzeko sakatu
Liburuaren aurkezpena: Alberto Arizaga, Juan Carlos Astiazarán eta Mikel Balero (Jabi Leon 2014)
