Ramiro Larrañaga (eu)

Ramiro Larrañaga Fernández de Arenzana
Jaio	Soraluze, 1924/04/22
Hil	Donostia, 2005/05/19
Profila	Grabatzailea, idazlea eta armetan aditua

Bizitza

Armagintzan lan egiten zuen familia batean jaio zen. Neba-arrebetan nagusiena zenez, aita hil zitzaienean, izeba moja baten bidez, Iruñera bidali zuten ikastera. Han zegoela, 1936ko gerrak harrapatu zuen, eta artean nerabea zela, 15 urterekin, erreketeekin frontera joan behar izan zuen, Tercio de Zumalacárregui-rekin. Ebroko borrokan eta Valenciako kanpainan parte hartu zuen.

Gerratik Soraluzera iritsi zenean, grabatzaile lanari ekin zion kanoi-fabrikan. 1945 urtetik aurrera maisu moduan. Jakin minak bultzatuta, zizela grabatuetan erabiltzeko modu berriak garatu zituen. Ondoren, apaindurazko grabaketak egiten ikasi zuen Eibarko eskopeta-fabrika batean. Ostean, fabriketatik aldenduta bere kontura hasi zen beharrean, eta zenbait urtez Soraluzeko udaletxeko bulegari izan zen.

Bere lan-ibilbidea Donostiako Aurrezki bukatu zuen. bertan, denboraldi batez, argitalpen-zerbitzuan ere aritu zen zuzentzaile lanetan.

Grabatzaile moduan hasi zen armak eta bere bilakaera historikoa aztertzen, eta Soraluzeren historia ere. 1970tik aurrera hasi zen nabarmentzen idazle eta arma-aditu moduan.

Liburuak

Hona hemen entzutetsuenak:

• (1970) Placencia de las Armas
• (1972) Un guipuzcoano desconocido, Ramón de Gorosta (1834-1889)
• (1981) Sintésis histórica de la armería Vasca
• (1984) Museo de Armas
• (1988) Los Zuloaga. Dinastía de artistas vascos
• (1993) Soraluze Placencia de las Armas : monografía histórica
• (1996) El grabado en Eibar. Nuestros grabadores
• (2000) Los bocetos de Plácido Zuloaga
• (2001) Armeros vascos. Repaso histórico - Raices y desarrollo
• La prueba de armas portátiles
• 500 años de armería vasca
• The Art and Tradition of the Zuluagas

Artikuluak

• (1972) Sagarraga : casa solar y ferrería
• (1975) Sorprendente retiro
• (1975) Retazos de un pasado
• (1978) La incógnita de un libro histórico
• (1978) La Euscalduna
• (1979) El Monasterio de Santa Ana
• (1980) Errege-etxea = La casa del rey
• (1984) Placencia en 1836 : una situación angustiosa
• (1987) El atrio de la iglesia de Placencia de las Armas, Soraluze
• (1988) El inventario de bienes de un armero del siglo XVI
• (1995) Relación de algunas palabras euskéricas habituales en Soraluze-Placencia de las Armas
• (2003) Apellidos

Irudiak

(handitzeko, sakatu gainean)

• 

  Ramiro Larrañaga

Erreferentziak

Euskaldunak Ramiro Larrañaga. WikipediaErrebolberra euskaldun batek asmatu zuen. Ramiro Larrañaga-rekiko elkarrizketa.